ब्रह्माकुमारी राजयोग सेवाकेन्द्र बानेश्वोर शाखाले वृहत रक्तदान कार्यक्रम आयोजना गर्दै

काठमाडौं: ब्रह्माकुमारी राजयोग सेवाकेन्द्र बानेश्वोर शाखाले बबरमहल, शान्तिनगरगेट र गौशाला मा क्रमश भदौ ६,७ र ८ गते ्वृहत रक्तदान कार्यक्रम आयोजना गर्ने भएको छ। प्रजापिता ब्रह्माकुमारी ईश्वरीय विश्वविद्यालय र ओम शान्ति मेडिटेशन सेन्टरले मानव सेवाको एक हिस्साका रूपमा राष्ट्रव्यापी रक्तदान अभियान सुरु गरेको छ। यो अभियान हालसालै नेपालका सबै ७७ जिल्लाका ५० भन्दा बढी स्थानमा सञ्चालन भइरहेको छ।

ब्रह्माकुमारीका अनुसार रक्तदान एक अति पुण्य र जीवनदायी कार्य हो, जसले दैनिक रूपमा अनगिन्ती जीवनहरू बचाउँछ। यस अभियानको मुख्य उद्देश्य देशव्यापी रक्तदानको आवश्यकता पूरा गर्नु र देशका सबै नागरिकहरूलाई यस महत्वपूर्ण कार्यमा सहभागी हुन प्रोत्साहित गर्नु हो।

अभियानका प्रमुख उद्देश्यहरू:

• नेपालभरि आवश्यकता अनुसारको रगत सुनिश्चित गर्ने।
• रक्तदानको महत्त्वबारे जनचेतना जगाउने।
• रक्तदानलाई जीवन रक्षाका लागि सबैभन्दा महत्त्वपूर्ण कार्यका रूपमा स्थापित गर्ने।
• युवा वर्गलाई रक्तदान गर्न प्रेरित गर्ने।

रक्तदानको कार्यक्रमहरू यसप्रकार रहेका छन्:

• स्थान १: क.म.पा. वडा नं ११ को वडा कार्यालय, भद्रकालीमा, शुक्रबार बिहान १०:०० बजेदेखि २:०० बजेसम्म।
• स्थान २: लायन्स क्लब आई हस्पिटल, शान्तिनगरमा, शनिबार बिहान १०:०० बजेदेखि दिउँसो ३:०० बजेसम्म।
• स्थान ३:  आयुर्वेद हस्पिटल प्रा. लि., गोठाला, आइतबार बिहान १०:०० बजेदेखि २:०० बजेसम्म।

ब्रह्माकुमारीले सबैलाई यस महान् कार्यमा सहभागी भई रक्तदान गर्न र समाजमा एक सकारात्मक परिवर्तन ल्याउन सहयोग गर्न आह्वान गरेको छ।