ट्रेड टावरको आईपीओमा आवेदनको ओईरो, अन्तिम दिनसम्म कति पर्यो आवेदन ?

काठमाडौं । ट्रेड टावर लिमिटेडले वैदेशिक रोजगारीमा गएका नेपालीका लागि बिक्री खुला गरेको आइपीओमा आवेदनको ओइरो लागेको छ । अन्तिम दिन आजसम्म १२ करोड ९२ लाख ३८ हजार रुपैयाँ बराबरको आवेदन परेको छ । सीडीएसका अनुसार आज अन्तिम दिन (वैशाख २२ गते) साँझ ५ः०५ बजेसम्म ५८ हजार २७८ जनाले १२ लाख ९२ हजार ३८० कित्ताका लागि आवेदन दिएका छन् । यो मागभन्दा ३.२५ गुणा बढी आवेदन हो । कम्पनीले वैशाख ८ गते पहिलो चरणमा वैदेशिक रोजगारीमा रहेका नेपालीहरुका लागि आइपीओ निष्कासन गरेको हो । कम्पनीले पहिलो चरणमा वैदेशिक रोजगारीमा रहेका नेपालीहरुका लागि ३ करोड ९७ लाख १६ हजार ९३० रुपैयाँ बराबरको ३ लाख ९७ हजार १६९.३० कित्ता सेयर निष्कासन गरेको हो ।कम्पनीको सेयर निष्कासन तथा बिक्री प्रबन्धकमा लक्ष्मी सनराइज क्यापिटल लिमिटेड रहेको छ ।क्रेडिट रेटिङ संस्था इक्रा नेपालले यस कम्पनीलाई इक्रा एनपी डबल बी माइनस इस्यूअर रेटिङ प्रदान गरेको छ ।